Dieđáhus 31.10.2018
Oažžu almmustahttit dalán

Skábmagovat – álgoálbmogii filbmafestiválii ođđa buvttadeaddjit

 

Sámi dáidaga doarjjasearvi rs lea válljen Skábmagovat-filbmafestivála ođđa buvttadeaddjin Taru Arrela. Su lassin veahkkebuvttadeaddjin álggaha skábmamánu álggus Minna Lipponen. Muđui festiválaorganisašuvnnas joatkiba dáhpáhusa dáiddalaš jođiheaddji Jorma Lehtola ja doaibmajođiheaddji Sunna Nousuniemi.

 

Skábmagovat deavdá 20 jagi ja festivála ordnejuvvon Anáris 24.‒27.1.2019 ja festivála ávvujagi temán lea válljejuvvon árktalaš eamiálbmogiid filbmadáidda. Prográmmas leat filmmat ee. Ruošša bealde Saha dásseválddis, Ruonáeatnamis, Alaskas ja dieđusge Sámis. Dán jagi Skábmagovat háliida earenoamážit loktet bajás árktalaš guovlluid álbmogiid solidaritehta ja kultuvrralaš oktavuođa ja maiddái oppamáilmmálaš ráhkisvuohta. Festiválas leat filmmaid lassin maid iešguđetlágan oalgedáhpáhusat, degomat ee. Skábmagovaid iežas festiválaklubba, mii ordnejuvvo dál vuosttas geardde. Festiválaklubba lea bearjadat- ja lávvardateahkedis sámekulturguovddáš Sajosis ja doppe beassá oaidnit videodáidaga ja gullat máŋggalágan live-musihka.

 

Lassedieđuid festivála filmmaid birra addá dáiddalaš jođiheaddji Jorma Lehtola +358 50 414 4349 / jorma.lehtola@skabmagovat.fi

Festivála ordnestallamiin ja oalgedáhpáhusain vástida buvttadeaddji Taru Arrela +358 40 1911621 / taru.arrela@skabmagovat.fi

Print Friendly, PDF & Email