Aotearoa/Ođđa-Selánda, 2021, 57 min. / Dokumeanta
Bagadalli: Nina Nawalowalo (fidžilaš)
Giehtačálli: Fa´amoana John Luafutu (samoalaš), Tom McCrory
Giella: eaŋgalasgiella
Váikkuheaddji dokumeanta Fa´amoana John Luafutu birra. Son fárrii mánnán Samoas Ođđa-Selándii, ja stáhta rivvii su iežas bearrašis. Fa´amoana muitala iežas veahkaválddálaš fáŋgal- ja kriminealladuogáža birra, sihke dáid eallinmuttuid váikkuhusas su maŋisboahttiide. Fa´amoana muittaša rehálaččat vássán dáhpáhusaid ja maiddái fitná báikkiin, main dat leat dáhpáhuvvan. Su muitalusat oktan čáppa áibmo- ja čázevulošgovaiguin sihke dramatiserejuvvon filbmabihtáiguin deattuhit duohtavuođa- ja soabadankomišuvnna mearkkašumi. Fa´amoana lea šaddan “jienahemiid jietnan” daid duháhiidda mánáide, geain ii lean eallimis seamma buorre lihkku.
