Biennáš-Niillásaš Suvi West lea bagadalli ja giehtačalli Ohcejoga Vuodeguoikkas. West lea dovdojuvvon komedia ja servodatlaš filmmain. 2022 West bálkkašuvvui Stáhta diehtojuohkinbálkkašumiin ja Gurutnissoniid Pro Feminisma bálkkašumiin.
Skábmagovain mii beassat oaidnit dokumeantta Eatnameamet – Min jaskes dáistaleapmi ja máilmmi vuosttasčájáhusas dokumeantta materiálain čohkkejuvvon gávcci oanehisfilmma. Suvi West oassálastá filmma čájáhussii ja olbmuin lea vejolašvuohta jearrat gažaldagaid čájáhusa maŋŋá.
