Skábmagovat 2026 temán lea girjás ráhkisvuohta. Filbmaprográmma ovdanbuktá queer-muitalusaid ja eará norpmaid hástaleaddji narratiivvaid, mat gieđahallet searvvušlaš áimmahuššama, solidaritehta, ilu ja olles eananspáppa buresbirgejumi. Temá ulbmilin lea lahkonit ráhkisvuođa viiddis ollisvuohtan, mii lea dálkkodahtti vuostevuoibmi kolonialismmas šaddan háviide. Girjás ráhkisvuohta váldá vuhtii románttalaš ráhkisvuođa lassin fuolkevuođa, válljejuvvon bearrašiid, servošiid, buot elliid ja luonddu.
Girjás ráhkisvuohta -panelaságastallan čohkke oktii eamiálbmot filbmadahkkiid ja dáiddáriid guorahallat iežaset dáiddalaš barggu dán temá ektui.
