VEGARD
“Jurddaš ahte dadjat “fuck it” ja leahkit čeavlái sáhttá leat nu suhtadeaddji.
Dat han dahká mu dušše eambbo čeavlái!”
Kárášjohkalaš VEGARD šattai vuosttažettiin dovddosin gehččiid gaskas go searvvai
NRK gilvvuin Stjernekamp. Dan maŋŋá lea čájehan ieahčas maŋgabealát dáiddariin-
sihke artistan, neavttárin, manusčállin, ráiddudahkin, ja filmabagadallin.
Deháleamos buot su bargguiguin lea ovddidit girjáivuođa. Ealás davvisámi teavsttaid
čađa son gaskusta su duohtavuođa bonju sápmelažžan, ja su musihkkas lea
čealggas ahte son ii bala hástalit machokultuvrra iige jávohisvuođakultuvrra. Čeavlás
ovdánbuktimin, ja iešdohkkeheami sáttasánin, lea VEGARD artista mii bággeha dus
oaivila ja fuomášumi.
Novemberis 2024is álmmuhii VEGARD su vuosttaš singel “Lohpádus”, ja son lea dál
gearggaheamin su debut-EPa “Jegolaš”, mii almmuhuvvo 30.01.26. Reportoaras lea
sihke musihkka mii njuorasmahttá ja mas njuommu jáluvuohta, ja popšuoŋaiguin
sáhttá gullat váikkuheami techno šaŋŋeris ja klubbkultuvrras. VEGARD lohpida dan
láhkai lávdečájáhusain dynámalaš ja eksplosiiva vásáhusa, gos ávvuda sihke
bonjuvuođa ja sámivuođa.
DJ Petra Laiti
