Neavttár Gail Maurice hállá cree- ja michifgiela, son lea bálkášuvvon sihke iehčanas filbmadahkkin go maiddái muđui dáidda-bálkášumiin. Son lea alumni arvvus atnojuvvon Women in the Director’s Chair -searvvis, mii ovddida nissoniid sajádaga filbma-industriijas. Bálkášumit maid son lea earet eará ožžon: Hnatyshyn Foundation Indigenous Award for Excellence in the Arts ja Chalmers Arts Fellowship; dasa lassin son váljjejuvvoi j. 2020 Netflix-Banff Diversity of Voices Initiative -joavkui. Su filbma Assini vuittii álbmotbálkášumi Dawson City International Film Festivalas ja oažžui njealjje nominašuvnna Yorkton Film Festivalas Golden Sheafs -bálkašumiin. Su filmmat leat čájehuvvon Sundance- ja Traverse City filbmafestiválain, Smithsonian Instituhtas, ImagineNATIVEs go maiddái CBC:s, APTN:s, Air Canada Enroute:s jnv. Rosie lea su vuosttaš fikšuvdnafilbma, man giehtačállimii son oažžui doarjja ImagineNATIVE-instituhta kuršas. Gail hálida álot muitalit muitalusaid, man váldorollas lea nána álgoálbmotnisson.
Bagadalli: Rosie // ARVEDÁVGGI ČÁBBODAT
