Press ja ámmátolbmot
Akkrediterenskovvi pressii ja ámmátolbmuide
Akkrediteren nohká 15.1.2024.
Mii váldit oktavuođa akkrediterema guođđán oassabeliide šleađgapoasttain.
Lassedieđut ja jearahallanbivdagat:
Artihkkalat:
Skábmagovat – eamiálbmogiid filbmafestivála buvttii fas filmmaid ja eará dáidagiid ustibiid oktii Anárii ávvudit kultuvrralaš riggodaga
Eamiálbmogiid filbmafestivála Skábmagovat lágiduvvui vuot Anáris 25.-28.1.2024. Anáris lágiduvvon festivála guossemearit liggejedje lágideaddjiid miela, go logut gorgŋot gulul ruovttoluotta korona ovdalaš áiggi dási guvlui. Skábmagovaid dáhpáhusain Anáris fitne árvalusaid mielde 3600 guossi ja lassin neahtas lágiduvvon festivála čohkkii 3800 geahččanháve. Skábmagovat juvssai buohkanassii 7400 geahčči – lohku muitala das, ahte eamiálbmogiid ealligovvadáidda sihke sámekultuvra beroštahttet olbmuid mearkkašahtti olu, ja dát kultuvrrat šaddet juohke jagi oinnolabbon. Filbmačájáhusat ledje badjel 30, main bivnnuhamosat ledje árbevirolaččat sámečájáhusat, main Katja Gauriloffa Je’vida, Sara Margrethe Oskala Eallogierdu/The Tundra Within Me sihke Muohtateáhteris čájehuvvon Sápmelaččat ijas -čájáhus čohkkejedje čájáhussajiid dievva geahččiin. Lassin prográmmas oidne Suvi Westa …
