Festiválaoahpis Dáppe gávnnat buot maid festiválas galgá diehtit
Filmmaid ja prográmma birra
Prográmmii čuovvovaš liŋkkas: Prográmma
Festivála filbmaprográmma vuolggasadji lea, ahte filmmaid bagadalli, buvttadeaddji dahje giehtačálli – ja dan mielde dan geahččanguovlu – galgá ovddastit eamiálbmogiid, spiehkastahkan dušše muhtin arkiivačájáhusat, maiguin mii háliidit ovdanbuktit perspektiivva eamiálbmogiid govvideapmái ovdal.
Filmmat čájehuvvojit álgogillii, eaŋgalasgielat tekstemiiguin.
Prográmma lea plánejuvvon váldoáššis ollesolbmuide.
- Skuvlalaččaide leat fállun fáddái laktáseaddji bargobáját. Filmmaid lassin lágidit sámegielat stoahkan- ja máinnasbottuid.
- Siidoprográmma sisdoallu dárkkálmuvvá loahppajagi áigge!
Čájáhusat ja bileahtat
Prográmma ja áigedávval almmustahttojit juovlamánus!
Dáhpáhussajit
Siida
Sajos
Muohtateáhter
Almmolaš info
Háliidatgo veahkehit lihkostuvvan filbmavahkuloahpa ordnestallamiin ja oažžut ođđa vásáhusaid? Boađe Skábmagovaide eaktodáhtolažžan! !
Mediai ja akkrediteren siidui beasat dás.
Filmmaid video- ja čuovgagovven lea gildojuvvon. Muđui festiválas oažžu govvet ja sometit!
Festivála ja bargoveaga oktavuođat gávdnot dáppe.
Almmolaš heahtenummir lea 112.
Anár
Anára márkanis leat idjadan- ja restoráŋŋabálvalusat, guokte borramušgávpi, bensinstašuvdna ja dieđusge olu earáge. Anára hoteallat leat oalle bivnnuhat festivála áigge, nu ahte várremiid gánneha dahkat áiggil ovddalgihtii. Gánneha maiddái fuomášit, ahte gieldda guovllus ii leat olu almmolaš johtolat.
- Girdin: Lagamus girdingieddi lea Avvilis, 50 km geahčen Anáris. Avvila girdingieddi Girdingieddebusse
- Bussiin: Girdingiettis sáhttá maiddái sirdašuvvat táksiin Avvilii (10 km) ja joatká doppe bussiin Anárii (40 km). Matkahuolto
- Togain: Ruovdegeaidnostašuvdna lea Roavvenjárggas, gos lea busseoktavuohta Anárii (330 km). VR
Tákse: Avvila tákset
Easttahisvuohta
- Sajosa lanjat leat easttaheamit
- Siida lea easttaheapmi earret olgomusea
- . .
Sihke Sajosis ja Siiddas lea juohke gearddis easttahis WC.
- Sajosis merkejuvvon juvlastuollosymbolain
- Siiddas merkejuvvon juvlastuollosymbolain
- Sajosis lea fásta telegierdu.
- Siiddas lea telegierdu auditoriija ja áššehasbálvalansajiin.
- Muohtateáhteris ii dađibahábut leat telegierdu.
Dorvvolut saji prinsihpat
Tiina Aikio, +358 40 173 7150, tiina.aikio@skabmagovat.fi.
- Juos fuomášat muhtima láhttemin áššeheamet dahje muđui rihkkumin Dorvvolut saji doaibmanprinsihpaid, váldde beali dillái.
- Juos vásihat dahje fuomášat doaimmain dahje dáhpáhusain hehttejeaddji láhttema, sáhtát váldit oktavuođa hehttenoktavuođaolbmui Tiina Aikio: +358 40 173 7150, tiina.aikio@skabmagovat.fi. Hehttemii dahje oaguheapmái sivalaš olbmo sáhttá dárbbu mielde doalvut eret dáhpáhussajis dakkaviđe.
- .
Festiválii oassálastimiin don čatnasat čuovvut dorvvolut saji prinsihpaid:
- Gudnejahte nuppi persovnnalaš fysalaš ja psyhkalaš saji. Gudnejahte iešmearridanvuoigatvuođa. Ale guoskka nubbái jearakeahttá lobi. Muitte, ahte it sáhte diehtit nuppi rájáid jearakeahttá daid birra. Dáhtu maiddái alccet saji go lea dárbu.
- Ale bilkit, hálbbáš, fuono, olgguš dahje heahpat geange iežat sániiguin, láhttemiin dahje daguiguin. Ale fal láitte geange olggosoainnu, šláttar dahje bajásdoala stereotypiijaid.
- Ale navdde maidige olggosoainnu dahje doaimmaid vuođul. Ale navdde maidige ovttage seksuálalašvuođas, sohkabealis, riikkavulošvuođas, čearddalašvuođas, oskkoldagas, árvvuin, sosioekonomalaš duogážis, dearvvasvuođas dahje doaibmannávccain
- Atte saji. Vikka fuolahit das, ahte buohkain lea vejolašvuohta oassálastit ságastallamii. Ale vácce nuppiid oaiviliid badjel ja atte sáhkavuoru. Gudnejahte maiddái nuppiid priváhttavuođa ja gieđahala rašes fáttáid gudnejahttimiin.
- Guldal ja oahpa. Váldde ođđa fáttáid, olbmuid ja geahččanguovlluid vuostá ovdagáttuid haga. Váldde juohke ođđa ášši ja dili vejolašvuohtan oahppat ođđasa ja ovdánit.
- Áno ándagassii, juos leat loavkidan nuppiid iešdáhtos dahje áiggokeahttá.
- Doaimma ná, juos deaivvadat hehttema dahje eará áššehis gieđahallama
- Juos fuomášat muhtima láhttemin áššeheamet dahje muđui rihkkumin Dorvvolut saji doaibmanprinsihpaid, váldde beali dillái.
- Juos vásihat dahje fuomášat doaimmain dahje dáhpáhusain hehttejeaddji láhttema, sáhtát váldit oktavuođa hehttenoktavuođaolbmui Tiina Aikio, +358 40 173 7150, tiina.aikio@skabmagovat.fi Hehttemii dahje oaguheapmái sivalaš olbmo sáhttá dárbbu mielde doalvut eret dáhpáhussajis dakkaviđe.
Áno ándagassii, juos leat loavkidan nuppiid iešdáhtos dahje áiggokeahttá.
