Mun sávan din buohkaid ilolaš mielain Anárii oassálastit festiválii, mii lea okta skábmaáiggi mearkkašahttimus
dáhpáhusain. Skábmagovat lea máilmmi davimus eamiálbmogiid filbmafestivála, mii
lágiduvvo jahkásaččat ođđajagimánu loahpas sullii 320 kilomehtera poláragierddus davás.
Áidnalunddot árktalaš Anár fálláge dalle buot buoremusas muohttagis huksejuvvon olgoáibmoteáhtera almmi
vuolde bohccoduljiid alde čohkkájeaddji riikkaidgaskasaš geahččiide.
Festivála lea šaddan sápmelaččaid ja eará eamiálbmogiid filbmabuvttadeami
deaivvadansadjin. Skábmagovat dahkáge eamiálbmogiid máilmmi ja
árbevieru oinnolažžan fiinna vugiin. Dasa lassin anárlaččat sáhttet festivála olis bovdet čeavlájin gussiid Suomas ja
birra máilmmi oahpásmuvvat sin riikkaidgaskasaš ja máŋggakultuvrralaš ruovttugildii.
Sámekultuvrra buot guovddáš doaibmit leat eanemus sullii kilomehtera geahčen festiválasajis.
Guovllus doibmet sámediggi, sámemusea, sámekulturguovddáš, Sámi oahpahusguovddáš,
Sámearkiiva, Yle Sápmi sihke máŋggat eará sámeorganisašuvnnat ja
-searvvit. Dáin buohkain lea stuorra mearkkašupmi olles Anára gildii ja gielddalaččaide
diehtojuohkkin, bargoaddin ja astoáigebáikin. Giitosat das Anára márkana aktiivvalaš
doaibmiide, geat dorjot doaimmaideasetguin gildii dehálaš boahtteáiggi temáid, mat leat
ovdamearkka dihte gieldda ealáhusráhkadusa ja fitnodatdoaimmaid máŋggabealálabbon dahkan, sámekultuvrra
ja sámegiela dálá nannosut sajádat, buot gielddalaččaid buresbirgen ja lihkolašvuohta
sihke ovdamearkka dihte bohccobierggu, guoli ja muora joatkkagieđahallandási alideapmi.
Skábmagovat-festivála lea maiddái juohkejagáš kulturdáhpáhus anárlaš nuoraide ja mánáide.
Dasa lassin, ahte Anára márkana skuvlalaččat oassálastet skuvlalaščájáhusaide, sii leat máŋgga
jagi dahkan festivála olis lágiduvvon mediabájáin oanehisfilmmaid festiválii.
Sámi oahpahusguovddáža mediaoahpuid bokte leat šaddan máŋggalogi ođđa mediasuorggi
máhttit. Skábmagovat-festivála fállá valjis geahččiid oahppidujiide. Lassin Sámi oahpahusguovddáža
mediaoahppit leat mielde dáhpáhusa teknihkalaš ollašuhttimis.
Bures boahtin Anárii čuovvut fiinna festiválaprográmma. Dat dahká eamiálbmogiid
máilmmi ja muitalanárbevieruid oinnolažžan. –
Tommi Kasurinen
Gielddahoavda
Anára gielda
