@ Skábmaklubba, Sajos, Nuuvtá siisâpeessâm
SÄÄMI ELLEEKOVEH PUÁĐI PUÁĐI
Mij lep merhâšittee nubástus oovdâst tääl, ko sämmiliih elleekovetahheeh lävkkejeh njunošân já muštâleh áinoošlajâsijd muštâlusâidis uđđâ kuhes elleekuuvijn já rááiđuin. Koččâmuš lii stuorrâ jorgálduvâst, mast Sämieennâm šadda arktâsii kuávlu algâaalmugij elleekovepyevtittem sparkkee kuávdáš.
Nubástus vyeijen tuáimá aalmugijkoskâsâš sämielleekoveinstituut ISFI, mast lii toorjânis vijđes aalmugijkoskâsâš viärmádâh já mii parga ohtsâšpargo ei. Canada Media Fund, Netflix, Disney já The Academy lágán huámášittee kuoimijguin. Ive 2025 Skammâkuuvijn uárnejuvvoo kuálmád Sámi Films Rising -sessio, mast ISFI čaaitâš čiävlán puáttee, sierâ muddoin leijee kuhes sämielleekuuvijd.
Mij lep moovtâ ko pyehtip oovdânpyehtiđ Elle Sofe Sara, vuossâmuu juoigâmmusikaalelleekove stivrejeijee, tanssâvuávájeijee já kietâčällee. ISFI elleekovekomissaar Siljá Somby jođettem savâstâlmist Elle Sofe muštâl kreativlâšvuođâstis já taiđâlii uáinustis. Kenski mij uážžup meiddei uáiniđ pittáid elleekooveest.
Mij kuullâp meiddei Suvi West uđđâsumos haavâst Máttaráhkkást. Dokumentfilmâinis tobdos stivrejeijee West čaaŋŋâl tääl oleseehid elleekuuvij maailmân. Lii mielâkiddiivâš kuullâđ, kote kuávlun suu kuhes elleekove lii jotemin.
Mij pajedep oovdân meiddei eres sämielleekovehaavâid, moid ISFI lii mieđettâm torjuu.
Adai puáttiđ mield toollâđ movtijdittee puddii ive 2025 Skammâkoveh-festivaalist!
ISFI
Aalmugijkoskâsâš sämielleekoveinstituut ráhtá kilelis já innovativlii sämielleekoveráhtulâšvuođâ, mii uáinoo já kiäsut maailmvijđosávt. ISFI lii áinoo sämmilâš elleekoveinstituut, já tot fáálá sämmiláid elleekovetahheid nuuvt ekonomâlii torjuu ko meid torjuu mättim syergist sämielleekuuvij oovdedmist, pyevtitmist já leevâtmist, sämikielân. Mij porgâp sämikulttuur, sämmilij áárvui já sämikielâ peeleest jieččân muštâlusâi já elleekuuvij vievâst. Jieččân muštâlusâid muštâlmáin mij tuoijup jieččân puátteevuođâ.
