Tiervâ puáttim Sämmilij máttááttâskuávdáá peeleest algâaalmugij muštâlusâi luus!
Tiervâpuáttim Sämienâmân já Anarân!
Skammâkoveh lii merhâšâm sämmilâš elleekován já meiddei vijđásubbooht sämikulttuurân ennuv. Festivaal paajeed mii jieččân kulttuur uáinusân já puáhtá mii jienâ kulosân. Maaŋgâmuáđusiih mainâseh ávudeh festivaaloholoopâ ääigi algâaalmugáid tehálijd fáádáid sehe eellim iloidiskuin já murrâšijdiskuin. Skammâkoveh lii algâaalmugijd ovtâstittee littosaje, mii movtijdit lääččip uđđâs raajij rasta.
Mii oppâlájádâs lii räämist, ko uážžu leđe taan 27-ihásii Skammâkoveh-määđhi uási. Festivaal fáálá mii uáppeid hirmâd šiev raamijd hárjuttâllâđ sierâ suorgij pargoid. Mediasyergi uáppeeh láá paijeel love ihheed čáittám elleekuuvijd Muotâteatterist kuovskâsij kiiđordmist. Teatter rähtimges lii luándu- já pirâssyergi uáppei mättim čááitus.
Tai lasseen mii uáppeeh láá lamaš maaŋgâin eres-uv roolijn, ei. tilálâšvuođâi uárnejeijen, kielâjurgâleijen já kovvejeijen. Mutâ puoh pyeremussân sii pyevtittem lii tassaažist oinum sehe “Skábmain” já eres-uv elleekovefestivaalijn miätá maailm, vááldáthánnáá TV-čáittusijd. Mij lep räämist mii škovlim áámmátulmuin já siämmást ilodep meiddei škovlim tuárjoo oppâmpirrâsijn, moh tábáhtusah láá pyeremuu tiileest.
Taan tiet Skammâkoveh lii ennuv eenâb ko elleekovefestivaal. Tot lii tovgâmlyevdi ovdâskulij, tot movtijdit, ruokâsmit já addel osko sehe jieijâs mättimân já toos, ete algâaalmugij ääših láá huámmášem árvusiih. Já ton lasseen, ete Skammâkoveh puáhtá eellim mii siärvusân, tot puáhtá mijjân meiddei mielâkiddiiváid kuosijd miätá maailm. Tot lii puáhtám eidu tuu-uv tai elleekuuvij luus teivâdiđ, movtijduđ, jyehiđ, oppâđ, vuájudâttâđ, navdâšiđ já ennuv ennuv iärrás. Mun tuáivuttâm eidu tunjin addalâs tábáhtusoholoopâ! Mun tuáivum, ete mušton páácá pyeri mielâ, sehe miinii pyehtimnáál ovdâskulij jieijâd elimist.
Ennuv lukko já miänástus tábáhtusân sehe ton olášutteid puátteevuođâst-uv! Säämi máttááttâskuávdáá peeleest,
Eeva-Liisa Rasmus-Moilanen, rehtor
