The Past and the Future of the Arctic

Jieʹllikartt tuʹtǩǩad måtam positiivlaž da määŋgaid negatiivlaž pieʹlid, kook pakknummšest lie. Jieʹllikaart ǩiõččât kõrr kueʹllišiiʹlli, kueʹllšeeʹllemturismmsueʹrj põõrǥâsneeʹǩǩ, puäʒʒhåiddai di päärnai, kook lie jeällam tåʹlǩ pakknem äiʹǧǧpââʹj, čõõʹlmivuiʹm. Jieʹllikaartâst verddõõlât 50–100 eeʹǩǩed vuäʹmm jieʹllikartt- da snimldõkmateriaal ânnʼjõžääiʹj materiaaʹle, kååʹtt lij fiʹlmmjum da snimmum seämma paaiʹǩin ko vuäʹmm materiaal. Tät čuäʹjat ǩiõččjid konkreettlânji aarktlaž luâđ mottjummuž jåʹttelvuõđ, da materiaal kommentâʹstte tän äiʹǧǧpââʹj jeällam vuäʹmm oummu.