Festivaalân uásálistmáin tun čonâsah čuávvuđ torvolub saje prinsiipijd:
- Kunnijât nube persovnlii fyysisii já psyykkisii tile. Kunnijât jiešmeridemvuoigâdvuođâ. Ele kuoskâ nuubán love koijâdhánnáá. Mušte, ete jieh pyevti tiettiđ nube raajijd koijâdhánnáá taid. Táátu meiddei olssâd saje táárbu mield.
- Ele pilkked, huánu, olgoošt tâi hepâdit kiämmán savâidâdguin, lattimijnâd tâi tavoidâdguin. Ele árvuštâl nuubij olgohäämi, šlaaddârd tâi paijeentoolâ stereotypiaid.
- Ele nabde kiästen maiden olgohäämi tâi tooimâi vuáđuld. Ele nabde maiden kiännán seksuaallâšvuođâst, suhâpeeleest, aalmuglâšvuođâst, etnisiteetist, oskolduvâst, áárvuin, sosioekonomâlii tuáváást, tiervâsvuođâst tâi toimâmnaavcâin
- Addel saje. Viigâ huolâttiđ tast, ete puohâin lii máhđulâšvuotâ uásálistiđ savâstâlmân. Ele vääzi nuubij uáivilij paijeel já addel sänivuáru. Kunnijât meiddei nuubij priivaatvuođâ já kieđâvuš rašes fáádáid kunnijâtmáin.
- Kuldâl já oopâ. Vääldi vuástá uđđâ fáádáid, ulmuid já keččâmkuávluid munejurduittáá. Vääldi jyehi vuástá puáttee ääši já tile máhđulâšvuottân oppâđ uđđâs já ovdániđ.
- Áánu addâgâs, jis tun lah luávkkám nuubijd tátulávt tâi tátuhánnáá.
- Tooimâ náávt, jis teivâdah hemâdem tâi eres epiášálii lattim
- Jis huámášah kiännii lattiimin äšittemeht tâi mudoi rikkomin Torvolub saje toimâmprinsiipijd, vääldi pele tilán.
- Jis tun feeriih tâi huámášah toimâmist tâi tábáhtusâin hettejeijee lattim, puávtáh väldiđ ohtâvuođâ hettimohtâvuođâulmui Tiina Aikio, +358 40 173 7150, tiina.aikio@skabmagovat.fi Hettiimân tâi uávuttâlmân sujâlii ulmuu puáhtá táárbu mield meddâlistiđ tállân tábáhtussaajeest.
Áánu addâgâs, jis tun lah luávkkám nuubijd tátulávt tâi tátuhánnáá.