Alggmeerai jieʹllikarttfestivaal Skammkaart – 25.-28.1.2024 – Aanar / Sääʹmm / Lääʹddjânnam
Skammkaartid jäʹrjstet eʹpet ođđeeʹjjmannust, skaamm ââʹliǩ čuõvâst. Skammkaart lie maaiʹlm tââʹvmõs alggmeerai jieʹllikarttfestivaal, meeraikõskksaž šõddmõš, kååʹtt ääʹvad sääʹm da jeeʹres alggmeerai jieʹllikarttmušttlummuž maaiʹlm.
Prograammâst vueiʹnet vuäʹnkõsjieʹllikaartid, dokumeeʹntid da kuʹǩes jieʹllikaartid, kook mušttle mainnsid da vuäinlmid maaiʹlmest
da koin alggmeer jiijj lie mušttleeʹjen. Jieʹllikaartid čuäʹjtet koummân jeeʹres čuäʹjtempääiʹǩest, koin õhtt lij legendaarlaž Muõtt-teatter, kååʹtt lij rajjum obbnes muõttjest – viõʹlǧǧesaunnâz mieʹldd looǥǥeeʹl!
Festivaalâst oummu vuäiʹtte še vuässõõttâd miõllǩieʹssi seminaarid, palddlõs-šõddmõõžžid di naaudšed sääʹm-musiikkâst SkammKluubbâst.
Skammkaart nåʹrre oummuid õʹhtte prääzkjed kulttuurlaž reeʹǧǧesvuõđ. Šõddmõš õhttad čeäppõõzz di õutstõõzzlažvuõđ oʹdinakai naaʹlin da lij spesiaal šõddmõš pukid kulttuur da jieʹllikaart naʹzvaanid.
Eeʹjj 2024 vueiʹnnep õll tässʼsaž, määŋgpeällsaž da emotionaalʼlânji vaaikteei alggmeerai jieʹllikaarti prograamm – nåkam, mâʹst hääʹrveld piâzzak naaudšed jeeʹres areenain.
MII: Skammkaart – Alggmeerai jieʹllikarttfestivaal 25.-28.1.2024
KOʹST: Aanar ceerkavsiidâst – kulttuurkõõskõs Sajoozzâst, Sääʹm-museo Siidast di muõttjest rajjum Muõtt-teatteeʹrest
MÕÕZZ: Ođđ kaaunõõttmõõžž lie regsmõʹtti, kulttuur kooll pukid da juõʹǩǩkaž õõlǥči vueiʹnned da kuullâd še alggmeerai mainnsid. Ǩiõččlâʹsttep da naaudšâkap õõutâst!
Prograamm õlmstââʹttet rosttovmannust 2023 da lippkaaupšummuž äʹlǧǧmest iʹlmmted mâʹŋŋlest.
